Antonio de Chiqué

Posted by Xoán Abeleira | Posted in In memoriam, Poemas propios | Posted on 03-12-2010

Hoxe estiven no enterro de Antonio de Chiqué: un home labrego, bo e, daquela, moi querido. Iste treno é por il e pra todos os seus.

 

TÉRREOS[1]

(Enterros)

   

                                                                              A Antonio de Chiqué.

 

I

 

Como finan os labregos

 

Estampados por un raio

Tras aturalo todo

 

Deixando a súa pegada

Na madre que os pariu

 

Asieu

Levei sobre os meus ombros

 

Tódolos teus defuntos

Negrillo tras negrillo

 

Con amor e por amor

 

 

II

 

Comei mortos dela

Mortos da fame

 

De sempre –

 

Mortos da miña vida

Comei o bo so o terrón[2]

 

Poema inédito pertencente á serie d’As nosas sombras no Xardín de Serralves.

 


[1] Térreo: pertencente á terra ou semellente a ela.

[2] Xogo de palabras: “Comei o voso terrón”. Come bo terrón: dise dunha semente plantada en terra fértil e que medra ben.

Os comentarios están pechados.